Hoxe propóñoche que me deas a túa opinión sobre as cousas que estou colgando.
Debaixo ves unha lista con algúns dos últimos vídeos que puxen no blog. Se fas o favor, selecciona aquel que che gustase máis.
Moitas grazas, pois.

O sábado pasado foi o día escollido para recoller as patacas. Iso foi pola mañá, e pola tarde, aínda coa terra húmida, rematamos a faena poñendo o repolo. Déixoche a reportaxe do evento, en rigurosísima exclusiva.

PD/ Fixen unha proba con este mesmo vídeo e envieino a Stage6, un portal de aloxamento que dá moita máis calidade que YouTube; iso si, a cambio de requerir unha boa conexión a internet e unha sobredose de paciencia. Podes velo nesta ligazón e comparar. Para velo mellor recomendo que, unha vez que cargue, fagas clic co botón dereito e selecciones Windowed Mode. Verás que, nese mesmo menú, aparece unha opción que se bota en falta no YouTube: a de gardar o vídeo. En Stage6 só hai que clicar en Save Video as... para telo no teu ordenador coa calidade orixinal. Desde logo, se fas a proba comprobarás que a calidade de Stage6 é impresionante.

As Insuas están no medio e medio do río Ulla ao seu paso por Gres (Vila de Cruces) e San Salvador de Ledesma (Boqueixón).

Nestes dous primeiros días de vacacións enredei dixitalizando un par de vídeos VHS que tiñamos pola casa medio abandonados. Un deles recolle con moito detalle o desenvolvemento do entroido da miña parroquia do ano 1992. Quince aniños xa...!
Fixen unha versión abreviada para o YouTube.