Fixen esta foto un día gris da semana pasada a iso da unha e media da tarde. Digo gris porque era gris e porque mesmo choviscaba un nadiña en Silleda. Había poucos días que tivera lugar aquí Turisport (mira as crónicas do Rabudo e de Kate, que por alí pasaron), pero o monstro xa regresara ao seu aparente estado natural: coma vexetativo.
Monstro? Imaxina unhas tremendas instalacións de 430.000 metros cadrados que botan case todo o ano sen uso. Imaxina, se é que non o viviches, unhas feiras nas que, agás no gran feirón da Semana Verde, parece que os comerciais encorbatados superan en número aos visitantes. Imaxina, se é que non o viches por ti mesma/o, un ciclo de conferencias que se desenvolve ante un desnutridísimo auditorio. Imaxina un contorno social e produtivo que vive cada día máis de costas ao monstro nacido para exercer de motor e timón e faro e non sei cantas cousas máis...
Imaxina todas as galletas que comerá este monstro para manterse nese estado de languidez.

Imaxina centos e miles de opositores desesperados por obter unha praza de calqueira cousa nese complicado mundo do funcionariado galego.

Coño, pois si, tes razón, Rabudo. Non me daba conta. Pero frikis coma ese, no Deza haiche moitos. Xa sabes, pregunta polo dono do HOtel Oca-Katiuska (o de Oca de onde virá, terá sucursal en Oca?)

Ou sexa, que eu apañando entrevistables, tedes ao dono do Disciclín por aí e non me dicides nada, menudos amigos...

Confirmado: é o dono do Disiclín. O afoto está feito desde o aparcamento do hotel, que agora se chama Oca-Katiuska.

E que me dis do Hotel de 4 estrelas, o Katiuska (na honra da filla do dono, que me dixeron que era o mesmo do disíclín, pódesmo confirmar?).
Si, é un complexo monstroso, un día vindo de Madrid en avión mirei para abaixo e recoñecín Silleda por semellante esperpento, que é máis grande cá vila en si.