1. Politono/altoparlante Armando Blanco. O benquerido alcalde de Teo (Luis Rial dixit), home de natural dionisíaco, ten tamén un corazón que non lle cabe no peito. Para mostra, un botón ou, mellor aínda, unha festa de exaltación e confraternidade: o Día da Nai. Cada ano, e van sete, o Concello planta a carpa diante da capela da miña parroquia (Oza) e monta un fiestón na honra da figura da nai no que non faltan a misa, a música, o discurso e... a manduka (desta volta acertaches). Tamén se entregan premios ás familias máis numerosas e aos matrimonios máis duradeiros (vodas de ouro e tal). Outros anos repartían unhas bandexiñas en plan souvenir que pagaba a pena ver, tanto que se me lembro e teño ocasión poñerei aquí algunha foto para que a goces. Traio todo isto a conto porque onte celebrouse a edición de 2005. Se queres máis, podes ver o artigo da Coz.

2. Sonitono/sonotone feísmo. Déixanme un comentario no blo (mágoa non saber quen foi, pero grazas) no que me apuntan un enderezo que non precisa comentario ningún: http://www.feismo.tk/.

3. Videotono/Paletono Iankilandia. Curioseo o blo de Acedre (mira nos enlaces), no que dá boa conta do seu paso polos EEUU. Cousa da que me entero e que me chista: fai o favor de pinchar na imaxe de Mr Newman, o rei da salsa.

Hello, nice site!Thanks!

Dicir gracias pola ligazon e espero que disfrutes do meu blog coma eu disfruto do teu.
Saudos.