O franquismo tamén tiña estas cousas.

O mesmo día que ETA asalta as primeiras páxinas co seu anuncio de tregua escoito unha anécdota que ten como protagonista a un home da zona de Boqueixón.
O que pasou foi que durante o transcurso dalgún dos célebres secuestros de ETA este home sucumbiu á presión mediática e dicíalle a quen quixera escoitalo: Ai Dios mío, e se me secuestran a miña muller quen me muxe despois as vacas?

Vou aproveitar a marea do macro-botellón, un asunto que estes días se aupou á primeira plana da actualidade mediática. Como non sei canto vai durar o tema -imaxino que pouco, que as modas pasan de moda moi axiña-, deixo aquí un par de comentarios.

One. Cada vez que vexo as imaxes dos botellóns que se publican nos medios a vista váiseme ás bolsas do súper nas que a rapazada leva as bebidas. Teño a impresión, non confirmada con datos, de que a marca máis recurrente é El Árbol. Será casual? Serán cousas miñas? Será un exemplo das estratexias capitalistas do terceiro milenio? Será, será..?

Two. O venres falei con dous chavales de 17 anos que me ensinaron nos seus móbiles a convocatoria aos macrobotellóns do Deza-Tabeirós. En concreto, había prevista movida en Silleda, Lalín e A Estrada. Pregunteilles a cal ían ir e responderon que aos tres, que irían rotando a ver que tal. Lembreime das romarías e, xa de paso, do eterno retorno. O luns volvín falar con eles e intereseime polos resultados da fin de semana. Pasamos por alí, dixeron con desgana, pero non había ambiente ningún e chovía. Ademais, engadiron, estaban moito mellor cando non eran macrobotellóns.

Entrevistan na TVG ao párroco de Amil, un enclave milagreiro. Pregúntanlle a don Modesto, que así se chama este home, se nos tempos de hoxe aínda se ven milagres. O cura pensa un anaquiño e responde: Milagres si, pero pequeniños. Por exemplo, algún rapaz que aproba unha asignatura...

Fragmento dun cartel colgado das paredes dun instituto de ensino medio galego.
Se vas á web anunciada no cartel poderás descubrir máis frases para a lembranza. Un exemplo: Infantería de Marina ¿Quieres trabajar en la costa?

Gran titular, na miña opinión, o que ofrece hoxe La Voz de Galicia, sección Lugo.

O día máis soleado do entroido pilloume na Paradanta. Paseando pola zona vin esta esquela.