Hoxe empecei as miñas vacacións de Semana Santa; así de previsibles somos os curritos, non si? O primeiro que fixen, despois de darlle unha pasadiña á limpeza doméstica, foi poñerme ao día cos vídeos que tiña pendentes.
O primeiro deles graveino o domingo pola tarde. Está filmado no formato panorámico (16:9), polo que desta volta non o subín ao todopoderoso YouTube, que se obstina en pasalo ao 4:3. Pois vale, hai que buscar alternativas. Buscando-buscando pola rede, dei con Stage 6, un servizo de aloxamento de vídeos que promete máis calidade que YouTube ou Google Video. A cambio, precisa que instales un plugin Divx (sen problema, só hai que aceptar o que aparece na pantalla) e máis ancho de banda. Se tes paciencia, verás os resultados e poderás opinar, cousa que che agradecerei.

Esta é a ligazón á miña conta de Stage 6.

O segundo vídeo, que si está no YouTube, é un agradecemento a María, unha moza que me axudou estes días a realizar unhas melloras no equipamento informático do meu centro de traballo.



PD. Debín tocar mal algunha tecla e eliminei o post no que presentaba o vídeo coa segunda remesa de fotografías que Alex Ghalpon fixo polo casco antigo de Pontevedra. Aquí está de novo.

María está graciosísima con iso de que cantaban en Inglés, é que eu antes non o podía oir.

Os vídeos preciosos, como todos os que fas, o malo foi o tempo que me levou para ver o do paseo, que o final pagou a pena! María sae como realmente é, unha rapaza feliz e que intenta axudar a todos.

Queda a tranquilidade de saber que hai cousas que non cambiarán,como é o sorriso de María,ou a axuda da natureza en cada día que vivimos,o seu olor,os seus sons,o seu cor,non o podo esplicar,só o podo disfrutar! ainda sin entender de formatos!
Felices vacacións

Querida parroquia: agradezo moito os vosos comentarios.
Estou con Brais no tema do formato ancho (16:9). Por iso busquei alternativas ao YouTube, pero é ben certo que se trata dun servizo que consume moito ancho de banda. Teño a opción de Google Video, que si permite subir en 16:9.
A María direille que a "miña" María e eu estamos á súa disposición para auxiliala nas cuestións informáticas que estean ao noso alcance.
A "misteriosa" invitada queda convidada a gozar das instalacións que estivemos acondicionando estes días. Seguro que tanto ela como os nosos PGS van quedar gratamente sorprendidos.
Unha aperta vacacional.

Xa eran horas de que te decidiras a coller as vacacións! Un pouco máis e xa non quedan. Claro que, traballar contando cunha colaboradora de luxo coma María, é máis levadeiro, non si?
María...María: sempre con cara de felicidade. Os que te coñecemos sabemos ben que a túa expresión dulce e sonriente é espontánea e sincera. Este vídeo-homenaxe telo moi merecido.
Por certo, vaia paseo primaveral! Esa si que é unha visita turística de verdade. Entre natureza, sen ruídos, sen coches, sen présas... Todo invita á calma: as imaxes, a música delicada. Todo é beleza: a auga rorrendo, ata as ortigas semellan fermosas. Está claro que non é necesario ir moi lonxe da casa para disfrutar dun bo paseo, sobre todo, se vas tan ben acompañado.

Acabo de ver o vídeo subido a Stage 6. Fabulosa calidade na forma e no fondo. Unha vez máis, xenial. Unha vez máis, noraboa. :)

Estupendo vídeo, non sei se pedirlle á túa axudante que me veña axudar a min tamén, que ás veces non me entero de nada. Ademais de ser unha boa axuda sempre sería un pracer poder disfrutar da súa risa contaxiosa.
Saudiños

Olvidávaseme comentar unha cousa moi a ter en conta. O feito de poder manter o formato 16:9, para mín é impagable. Non hai cousa que máis odie que os cadros amputados, por obra e gracia dunha tecnoloxía deficiente. ¿Non vos pon mal ter que ver na tele "películas recortadas"? E se a esto lle sumas o frecuente atentado cara o cine que se perpetra a cotío en España, de nome doblaxe, entón xa, "apaga y vámanos", neste caso nunca mellor dito.

¡Peazo de axudante que te ca que tiveches a sorte de contar! Noraboa á aludida. Con respecto ó Stage6, a calidade é estupenda pero os vídeos tardan unha eternidade en cargar á hora de visionalos. Eu xa o probei e rexeiteino por esta razón. ¿Que opinades? Ó mellor é simplemente o meu ordenador-conexión que van moi lentos.