Dixéstelo varios e varias de vós: un pipo sen billa non é pipo nin é nada.



Xa metidos en obras, por que non unha billa que lle dea saída USB frontal a Pipotinho? Meu dito, meu feito: cóllese un anaco de madeira, quítaselle o que sobra ata que teña forma de billa (pedímoslle prestada esta trencha ao vello Buonarroti) e acóplaselle un cable prolongador USB normal e corrente.

Unha auténtica obra mestra. Deberiades de patentala, en serio. Calquera dia un pringado cóllevos a idea, vai ao CGAC e gaña unha pasta.

ben, moi ben. E sacándolle utilidade, felicitacións

A billa bota bits pero non bota viño. Unha mágoa. Non perdas de fixarte no "soporte" sobre o que se asenta Pipotinho: un auténtico "ule" estampado. Todos os detalles, como ben ves, están coidados ao milímetro.

Pois si que gaña Pipo con billa! pero esa cunca de viño tan tintorro non sairía por esa billa, non?