logotipo

Debo llevar unes doce ya entre esti y el otru mes. Toy hartu de entrevistes, nun se que deciyos ya, ¡si deben sabélo tó de mí! Debo tar mas ficháu que el Bin Laden esi.
En'sta fue el culmen ya. Primeru cogen el mio curriculum por interné, lluego fáenme lleváyoslu imprimíu, y, una vez allí, tengo que volveyos a escribíyoslu en la so ficha. ¿Pa que quieren tantu currículum repetíu?
Después fáenme contayos mi vida, como si tuviera nel sicólogu, mándente describiyos to desde que naciste.
¿Pa qué? ¡Si nun te lamen igual! Y to esto una vez,y dos, y tres... y ya os digo, mas de diez.
Lo que mas gracia me fai ye que tantu cuentu pa'l final decite: "Vamos a llamate". Y nun te llamen mas. Son unos mentirosos.
¿¡Pero en qué clase de pais tamos, por favor!?
De la que iba caminando topeme con Migoya, si, la conseyera. Taba en nun bar xunto al ayuntamientu, con dos Audi A8 del Principáu junto a ella, y taba fartándose y disfrutando de la tarde soladiella, falando sobre lo humano y lo divino y dando carcajaes... ¡y yo buscando trabayu, muertu de cansanciu! ¡Que mal repartíu ta el mundu!
Y lo mas gracioso, ye que ella taba allí gracies a los mios impuestos, ¡por los de todos los asturianos, allí, disfrutando con su A8 al llau, y mientres yo buscando trabayu pa pagai a ella les sos coches y les sos fartures y les sos viaxes! Daben ganes de acercame y decí algo, pero diome reparu, porque iba a decí: "¿Qué, páseslo bien? ¿Güey nun tas de viaxe per esos paises tan guapinos que visites a coste de tos los asturianos?".
Pero ya os digo, diome cosa. Diome verguenza axena vela así mientres otros facemos lo imposible pa sobrevivir y llegar a fin de mes.

Na prensa diz: "Los tomates y las patatas, los productos frescos que más subieron en mayo", a esti pasu tendremos que comer Vodafones y Movistares, que son los mas baratos. Compres un pack y salte mas baratu que si comprares pescau. ¿Onde vamos a ir a parar? ¿Tendremos que volver de nuevu a cartilles de racionamientu?
¿Como ye esto posible, en que cabeza i entra, que un telefonuku valga menos que la comida? ¿Onde se vio esto?
Claro, como los moviles faenlos allí en China por cuatru perres, y como les fabes y les patates nun nos les traen de allí, sino que faenles aquí, tan cares.
¿En qué puntu, en donde, perdimos el sentíu común? ¿En qué puntu esti gobiernu y esta sociedad perdió la verguenza?
Tanto querer parecese al Bush, tanto querer parecese a los Estaos Unios, que acabaremos tos trabayando pal Macdonalds y comiendo... comiendo a saber el qué.

La empresa d'agua del alcalde d'uvieu, Aqualia, ta faciendo una campaña con la so web onde diz los servicios que i presta y onde fai publicidá de sí mesma.
En esa publicidad, fecha con el navegaor de Macintosh (los mas caros, esos nun gasten Windows), vense los bookmarks (o sitios preferios, como querais llamalo). En eso bookmarks ta el sitiu de motos motos.us. Tamién ta el sitiu de Michelin, y el de Hotmail (muncho muncho, pero parez que los de Aqualia tienen esi correu). Tamién ta un accesu al Conversor de Monedes (¿sera pa convertir los euros en dolares?).
Ta tan mal fecha la publicida que les barres del navegaor, que son horizontales, aparecen transversales.
Nun se como será la web, pero si ya la mesma chapuza que la publicidad, vamos arreglaos.
Por tal como presten el serviciu, lo mas seguru ye que si.
Tamos arreglaos... los de Aqualia gasten el dinero en motos. ¿Sera pa escapase rápidu por el caru costu del suministru? ¿O pa echar a correr en elles cuando yos vecinos van a protestayos por el reiteratibu corte del suministru?
O será pa facei regalos al alcalde por la milloná de perres que se embolsen tos los meses gracies a la privatización del serviciu de aguas. Esi sí que ye un buen negociu.

L'otru dia llamáronme pa una entrevista de trabayu. Fízomela un mozu y taba falándome cuando dizme: "¿Por qué nun faes tu'na empresa?".
Quedeme blancu. Resulta que toy buscando trabayu y dizme que faiga yo una empresa. ¿Sin un duro? bueno, si me da él el terrenu, y les perres, y la maquinaria, fágola.
Debe ser que quedóse con les campañes del Principáu, onde falen que faigas tu'na empresa. Vamos, que te faigas autónomu y asina dexes el dineru en sos impuestos, y en los bancos con sos créditos. Porque eso nun te lo perdonen. Los recibos viénente tos los meses y eso nun te los perdonen, no.
Paguen campañes publicitaries pa que faigas tu'na empresa, cuando ellos dexaron marchar a toes les que había aquí, cuando ellos tiraron les millonaes de euros que les dieron de Europa con los planes de reestructuración.
¿Por qué nun ficieron ellos con eses perres empreses? ¿Por qué nun nos dieron eses perres, que yeren pal pueblu, del pueblu yeren, pa que faigaramos nosotros empreses? Pero eses perres quedárosenles ellos en los sos bolsillos.
Agora, comu tan viendo que acabense esos fondos, ven que nun saben por onde van a sacar pa sos viaxes y comilones, entonces mándente que te emperres tú, y, comu nun tienes na, como ven que tan tos emigrando o en paru, pues quieren que te empeñes mas pidiendo creditos y así pagesyos impuestos.
Que quiten el IBI. Que quiten el IAE, que nos den los edificios y recintos que tienen ellos abandonaos, y furgonetes y ayudes a fondiu perdiu. Que nos den eso, y entonces piénsomelo.
Pero eso nun van a dalo, porque esti gobiernu asturianu nun sabe tovía lo que ye la pallabra "dar", o el verbu "subvencionar". Pides una ayudica pa algo y niéngentela en seguida, pa tener ellos pa gastar en sus cosines, en sus Audis y Mercedes.
Mirai como a Rio Narcea Gold Mines diéronyoslo to, hasta un monte enteru, que allí ta, contamináu dexáronlu sin naide deciyos na.
Hasta el oro que se llevaron pa los Estaos Unios se lo dieron. Alguna mano yos pasaría el cazu per ahí. A esos nun les exigieron siquiera ni proyeutu de impactu ambiental.
¿Que empreses vamos a facer los paraos, si nun tenemos ni pa nunos zapatos?

El filósofu Gustavo Bueno salía fai unes vegaes na tele y contaba que n'Asturies, a pesar de que taben les coses muy males, vivíase muy bien gracies a les perres de les prexubilaciones.
Esti paisanu pa mi que ya de tantu contar, confúndelo to. Y mira que a mi caíame bien cuando lu veía per la tele... Pero nun se si ye porque ta to'l dia metiu nel movimientu académicu y allí tos yos va bien, o porque ta ciegu, porque eso de que n'Asturies vívese bien, vivirá él, eso si.
Anque lo de les prexubilaciones ye otru cantar. Yo tuve trabayando nun fai muncho con mozos y moces de les cuenques y tods tenían ecoche, o la mayoría, que yos lu habíen comprao la so familia gracies a ese perres. Los únicos que íbamos a patina y en bus yéramos los de Xixón, los de Uvieu, los de Aviles... y algunes moces de alredores de Aviles, que llevantávense a les cincu pa llegar a les nueve al trabayu.
Coses asina nun pasaben desde fai tiempos del mi abuelu.
Eso vivilo yo.
El paru ta tos sitios n'asturies, así que Gustabo, mozu, pa otra vegá que salgas na tele falando d'asturies abre meyor los gueyos. O dexaré de creer ya en ti.
Nes comarques mineres nun son tos prexubilaos, y anque así fueren (oxalá!) los mozos nun puen vivir siempre de les pensiones de sos padres. Esi nun ye futuru pa naide.
Ta to muy mal y lo peor ye que nun traten de arreglarlo, estropéenlo mas.
Nun tienen proyeitos, nun tienen entamu pa sacar a la xuventú del furacu.
Anantes nun había tantes autopistes y autovies, y había empreses buenes (L'águila Negra en Collotu, La Tila, Ensidesa, toes la cai almacenes en Xixón...), pero dexáronles marchar. Fusionáronse con otres y quedóseyos les perres per ahí fuera. Y aquí los gobernantes nun ficieron na pa que se quedaren.

Bueno, per lo menos tamos los primeros n'algo. Esta mañana dióme por buscar n'Google la pallabra "parau", y entre les mas de 26.000 paxines que salíen taba esti blog n'el primer llugar.
La xente que pique "parau" saldrái esto... a ver si entre tos facemos algo o nun facemos na, pero per lo menos nun nos puen decir que nun lo intentamos. Intentalo intentémoslo, mas el monstruo que tenemos delantre (la desintegración social, la marginación y el pasotismo de los políticos) ye muy grande.
La verdad ye que al gobiernu debería caesele la cara de verguenza que haya que recurrir a pagines como estes pa facelos ver la realidá de so rexión...
El enllace:
http://www.google.es/search?num=50&hl=es&safe=off&q=parau&btnG=B%C3%BAsqueda&meta=cr%3DcountryES

Voy contáboslo. Ye un secretu, pero tengo que contálu pa que nun os engañen.
Voy a contaos la solución que tienen los del principaú pa baxar los paraos. Lo meyor es que baxen anque nun alcuentren empleu! Descubrieron la cuadratura del círculu.
L'trou dia llamáronme pa un puestu nuna cartina certificá. Coxi el bus y ni cortu ni perezosu fuime pa yi. Poseme na última parada y cual sería la mio sorpresa cuando alcuentru, na mitad de la carretera, n'una autopista. ¿Y ahora como llego? Pensé. Nun podia meteme na autopista.
Resulta que onde anantes taba una carretera, cortáronla per la mitad y plantaron la autopista. Y, unos kilometrines mas pa ya, taba l'almacen onde tenia que presentame. Pero claru, comu diba andando, nun podía llegar allí, allí solo llegaben los coches.
Estos del paru... ¿como pensaben que iba a llegar? En taxi? Pagábamenlo ellos? O n'una avioneta? Yo nun tengo coche, y en autopista... home, meter metíame, pero saltar la valla de l'autopista y andar n'ella nun ye lo mismo hacelo dos metros, que dos kilometros. Porque coxete la guardia civil y sácate.
Pos allí taba yo, pensando, medio la carretera sin un alma, donde to yera coches pa un llau y pa'l otru, ¿que culpa tengo yo de que fayan metio una autopista en mediu? Anantes ibes caminando per camín, tranquilamente, y así yera comu lo recordaba yo. Pero lo de la autopista nun pensaba que fuera asina. Así que despues de andar cinco kilometros, tuve que volveme pa tras a la parada del bus. Porque el bus nun te lleva per la autopista, nin tan siquiera entra en ella.
Y como si nun te presentes n'un trabayu, quítente del paru, pues así quiten xente. Mándenlos a casa quien sabe onde, ahí perdios, en mitad de la nada, pa un trabayu que nun yos van a facer casu, y encima tienen que pagar ellos mesmos tol trayectu. Con el cuentu de que nun te pues negar a na, saquen del paru a puñaos.
Y así puen decir que baxó el paru. Pero nun ye verdad.

Llamáronme de Mampower, pa trabayar na construcción. Diez hores 600 euros. Y díxeles yo: "y'eso por cuantu tiempu?". Nun lo sabíen, un mes o asina.
Ka'busu. Ka'busu. Y dícentelo sin caeseyos la cara verguenza. Y encima vas a teneyos que dai les gracies. Si kisiera tar de peon nun me apuntaba nuna empresa de trabayu temporal, per 600 euros coxienme, y gratis tamién me coxen.
Esto de les empreses de trabayu temporal, que maera aprovechase del to sudor... aprovechense... vamos a ver, si a mi págenme 600 euros ye que a ellos yos paguen el doble, per lo menos. Pero claro, con eso tien que vivir ellos, sus xefes y hasta el que te llama.
Si tan bueno yera esto de estes empreses, ¿por qué nun trabaya pa elles el presidente del gobiernu, Zapateru, o Aznar? Si tan bueno ye... que se metan ellos tamién, de su sueldo que yos de mas de la mitad pa estes empreses, vereis comu ntonces nun yos caíen na tanta gracia.
Y los concexales, y los consexeros, y el presidente d'asturies.
¿Por qué nun se apunten ellos a Manpower, oh? O meyor dichu, a "Sudorpower", perque eso ye lo que faen: aprovechase del tu sudor. "Sudorpower". Creen que por poner un rotulín na llingua inglesa van a engañar sobre lo que faen...

Ayer entereme nel periódicu que van a tirar 12.000 millones de euros n'obres esti veranu pa Uvieu. ¿Vosotros sabeis la de empelu que podria facese, la de oposiciones que podríen sacase, con eses perres? Y lo peor, ¡mira que nun hay naide que puea quitar al alcalde derrochaor esi! Ta pidiendoi al principáu subvenciones pa colocar los chavalinos n'el plan de'mpleu, porque dizyos que nun tien y que sino nun los coloca, y gasta después en cementu 12.000 millones. ¡Pa eso nun pides perres, Gabinín, nun les pides! ¡Pa lo que te convién a ti y lo que te gusta a ti tienes bastante! ¡Pa hacer el hípicu sacaste pronto les perres, pa eso sí! ¿Por qué, en lugar de los caballos, nun te gusta la xente y dedíqueste a colocar a los rapacinos de Uvieu, que pa eso te votarón? Fartón, chupón, que yes un chupón del bote.
Masip, el alcalde de anantes d'Uvieu, facía planes de empleu y escueles taller po lo menos. Munches coses faríales mal, nun digo que no, pero al menus con'el teníes pa comer.
Con esti solu fai hoteles y bares, por eso y'llamo "l'fartón", ye lo que sabe. Debe tar to'ldia fartáu fabes, por que otra cosa nun me explico, como ye posible que te tan ciegu pa ve la realidá del so municipiu. Xamás conocí home mas ciegu que'si alcalde que tienen los carbayones.
Fai unes vegaes taba pa presentame nunes oposiciones d'un ayuntamientu asturianu, y taba delante mio un pobre rapacín de Uvieu, y tos reíense mas de'l que yo que se. Dixoi la administrativa que recoyía les instancies: "que vienes pa qui, eh? Comu el alcalde d'uvieu nun os saca oposiciones pa na, venís tos pa quí".
Bueno, sacar sácales, pa policía municipal. Como aquélla vez que quería facer un serviciu de Intelixencia, comu la CIA, n'Uvieu. ¡¡Riéronse mas d'el en toa España!! ¡Que serviciu de intelixencia iba a facer, si él nun tien intelixencia ninguna, na mas que pa llenase los bolsillos!
Esti alcalde d'Uvieu nun val pa na. Y yo peor ye que'l d'el PSOE d'esi ayuntamiento tampocu val pa na, nun fai oposición ni fai na, ta to acomodau. Tan tos chupandonos les poques perres que tien el pueblu.
¡Ay, pobrinos carbayinos mios, que mal vais pasalo esti veranu! Los que nun teneis vacaciones, los paraos que teneis que quedaos en la ciudad querais o non, vais pasalo mal con tol polvo y les cais levantaes. Pero Gabinu, esi va pa la playa y de turismu con lo que i'pagais, esi nun ve nuna obra en to'l veranu, dígoboslo yo.
Déxabos ahí, pa que aprendais a seguí votándoi.

Toy asustau. Digoboslo bien. Asustau toy. Ahora doime cuenta. Resulta que la administración del Principáu emplea a "temporeros" (buenu, hoy llámense "trabayaores de empreses temporales", pero ye lo mesmu), pa sus trabayos, ya aforren hasta el dineru pa sacar oposiciones (que nun son barates, too sea dixo), y meten a temporeros.
Temporeros que después cuéntente que son los que yos ponen les galletines cuando hacen el conseju de gobierno, galletines y bebidines tocaes por temporeros, que tan un dia y al otru échenlos. ¿Pero eso nun lo facíen funcionarios, o trabayaores en plantilla? ¡Que baxo caísteis, que baxo, que ahora empleais a temporeros pa aforraros pagayos como merecen!
Lo peor de los temporeros es que después van contándolo per ahí, y cuenten como el Areces ta gritando to la tarde n'el primer pisu, onde el gabinete, al fondiu, cuando nun i gusten les coses. "¡Llámalos - diz a gritu peláu - y diyos que esu nun ye asina!".
Home home home, Areces, ¿comu acabaste así, contratando temporeros pa to? Un trabayaor del principáu nun lo cuenta, pero un temporero, que tien un o dos meses de contratu, cuéntalo to.
Vamos, esti nun ye el llugar pa decilo, pero hasta n'el despachu les consexeros hay temporeros, y dámonos unes fartucaes a reínos cuando nos cuenten los tejemanejes que teneis... Vergüenza debería daos.
Arreglad los asuntos serios de Asturies y dejad de golfear!!

Voy fame militar. Paese que ye esa la única opción que me queda pa salir del paru, ir a pegar tiros per ahí. Paece que entre el Areces y el ministeriu de defensa ahi un alcuerdu, ye como si uno y dixera al otro: "voy mandate pa yá toos los asturianos", porque por lo que se ve, nun nos va a quedar otra que facemos toos militares pa ganar cuatro perres pa comer.
Una vecina enviudó fai dos años, y quedói 600 eurus de pensiun, con cuatru fios sin trabayar. Esos sí que faen millagros con su economía, y no estos de les grandes empreses.
¿Y de alternativa, que tenemos? Nun hay. Nun hay ninguna. ¿Que i vas a votar al PP, oh? ¿Vais a votai a esos, que fueron corriendo pa la China con Areces, y allí parecíen amigos de toa la vida? El presidente del PP n'asturies hay que cambialu, el que hay ta totalmente desacreditau, nun lu cree naide y veise que lo único que y gusta ye correla y el luxo. Nun necesitamos equí otru pa chupar mas del tetu, qu'l tetu ya ta muy mal.
Así que nun va a quedame otra que faceme milicu, a mis vecinos también, y los fios de mis amigos tamién, vamos apuntalos toos pa la academia millitar antes de que nos coxan el puestu los peruanos.
Equí tendrá que quedáse solos el Areces y sus amigos, chupando del bote.

¿Por qué escribo equí n'asturiano y no en castellán? ¿Y si lo fago en inglés, entenderíaseme meyor, sería mas popular? Seguru que si.
La llingua ye la identidá de un pueblu, si nos quiten eso, entonces acábase ya to. Si vas falando per la cai en inglés, o en swahili, pareces modernu e incluso hasta pue que alcuentres trabayu d'ello. Pero ¡huy, si fales n'asturianu! Si fales n'asturianu ríense de tí, dícente que nun sabes falar.
Mirai el catalán onde llegó, y ye un dialectu como otru cualquiera. Peru claru, allí la xente sabe ponese en su lugar y poner a sos políticos. Peru aquí... aquí nun faen na. Tenemos una academia na llingua que nun fai na. Un presidente del principáu que nun sabe mas que sentase e ir de comilona en comilona.
Aquí naide fai na po su propia identidá.
Y voy por la cai, y véolo to llenos de tienduques chines, con xente adelntro falando en chino sin cortase. Y trabayando pa ellos los asturianos limipíadoos los cristales o moviendoyos los bultos. Y véolos y tan sin falar, ni en castellán ni en asturianu (buenu... en asturianu seguru que nun saben ya siquiera), tan como amilonaos, achantaos.
Ta bien que vengan pa cá peruanos, o argelinos, o angoleños, o chinos... yo nun soy de esos xenófobos que yos llamen. Pero si ellos tien su cultura, y vienen sin cortase, hablando so idiomas nativos, ¿por qué nun íbamos facelo nosotros en nuesa propia tierra, oh?
Y después los políticos llénense la boca falando qul'asturianu tien protección... ¿por parte de quien? D'ellos nun será, seguru.
Habla n'sturianu, rapaz, porque si pierdes la to identidá nun va a quedate na.

Denpués de haber leio na prensa y diferentes medios que el presidente del principáu, Vicente Alvarez Areces, dixo que n'Asturias la xuventú nun emigraba, que eso yera un poblema de les estadísticos y que era mentira inventá por nun se sabe quien, llegu a la conclusión de que esti paisanu nun sal de casa. Porque si no nun me lo explico. Esti Areces nun debe conocer a naide, nun debe de falar con naide, nun debe salir de su berlina de luxo.
Porque yo nun tengo ningún amigu, amiga, vecinu o pariente que por lo menus nun tenga o sepa de alguien que ta trabayando fuera porque aquí nun había.
Gracies a Interné conozco xente de Vigo, de Valencia, de Bilbao, de Madrí, de Mallorca... y se que eso pa ellos sí ye desconocío. Ellos nun conocen a casi nadie que haya emigrao de su rexión pa buscar trabayu. En esos laos sí que nun ye habitual conocer a alguien que tuvo que marchase pa trabayar afuera de su tierra. Pero equí... ¡equí tol mundo conoz alguien, o él mismu, que tuvieron que emigrar! ¡Areces, sal de casa, por favor!

Haz unos dies taba falando con una conocía, que ta tamién pará, y contábame que aquí, n'Asturies, teníamos que movenos mas los paraos, que nun entiende como tamos así, que tamos atontaos, emirriaos, que nos tienen amomiaos. Que si hiciéremos manifestaciones y protestes seguru ye que nos facíen mas casu, pero mientras temos enquilosaos, achicharraos, van a seguir faciendo lo que yos da la gana y derrochando les perres.
Menasa, Astilleros, Minería, Industria... to yos importa un cuartu, y mientres dedíquense a entretenése con les perres públiques en teles, en viaxes y en centros como el de Avilés, que van a emplear a cuatru.
Quizá esti sea un gritu n'el desiertu, nun lo se, pero por lo menos voi a intentar facer algo por toos los asturianos de verdad.
¡Muévete, paráu, muévete, que te tienen en paru, pero no atontau!