logotipo

Estou totalmente convencida que os grandes descubrimentos producíronse dunha forma totalmente casual, chorra, chiripa, descoido, equivocación ou chámalle X, pero que a persoa que o fixo non sabía realmente o que nese momento descubría, iso si, tiña que ser o suficiente intelixente como para darse conta que algo distinto pasaba e era grazas a ese erro humano.
De aí debe vir tamén o dito: "Non vaias polo camiño marcado" que sabes exactamente onde che leva, e no non marcado descobres algo, iso si non sabes se será bo ou malo.
A min polo menos é o que sempre me pasa, fago as cousas como sempre e nada, e un día confúndome ou por erro dou a unha tecla que nunca antes dei e aí está, atopo cousas que pensei que non había, sempre así por erro, hoxe ao cabo duns anos co mesmo programa, fóiseme o dedo enriba dunha función do programa e elimineino, foi todo tan rápido que non sei exactamente que fixen pero desapareceu, deime conta pero non sabía como o fixera e peor aínda como o tiña que volver pór no seu sitio,entón empecei a rebuscar por aquí, por alá, e volvino a pór dándome conta con isto que estas funcións pódense eliminar, ou simplemente cambiar a noso antollo, e o mellor aínda, que descubrín como facelo, a todo isto dicir que de algo me tiñan que servir as clases de informática.

E xa van dous anos, quen o diría. Para celebralo intentarei pór o meu primeiro vídeo caseiro, que tamén me fai moita ilusión. Espero poder alcanzar con éxito este novo reto, xa se verá. Aínda que teña que ser cun pouco de axuda.