Graçasao meu colega Adriao (aka madirdmemata) recordei que etamos de aniversário. Concretamente é o V aniversário da excursom a Madrid que fixemos em COU, viage irrepetível e de maravilhosas experiências.

Na viage de ida puidemos ver a película "La pistola de mi hermano" dirigida polo escritor Ray Loriga, onde o único bom era a sua banda sonora nom original. Eu afoguei as minhas misêrias graçasa umha casete da Velvet Underground emprestada pola mestra de debuxo, Marga, umha tia de puta nai que acabou o cursa cabreada comigo.

Já em Madird puidemos comprobar a pouca hospitalidade dos madrilenhos (polo menos os do hotel), o difícil que é atopar umha bocataria na avenida da Florida, e como Monchito é capaz de chamar três veces seguidas a Telepizza e que lhe colguem o teléfono das três. Isso sim, ao final tivemos pizzas. Tamém comprobamos a possibilidade de durmir oito pessoas em três camas, e a posibilidade de nom durmir tamém. Blasfemamos (mais bem flemamos) na capilha de Sam António de la Florida (onde havia uns horríveis frescos de Goya) e enchemo-nos de arte e inspiraçom no Museu Reina Sofia. Descobremos Malasanha e o Metro, e fixemos um percorrido exprês polo Escorial.

A volta, ..., da volta nom me acordo.

PS: a fotografia da Torre Picasso glorifica a momento no que mentres pousávamos ante a Torre para tirar umhas fotos, um garda de seguridade saiu de dentro para proibir o acto.